თბილისის ფოტო-მარშრუტი
სტუდია აქ მთელი ქალაქია.

ერთი და იგივე ქუჩა დილის შვიდსა და შუადღის ორზე ორი სხვადასხვა ადგილია. აბანოთუბნის ვიწრო ქუჩებში შუადღის მზე მკაცრ, შავ ჩრდილს აგდებს სახეზე - იმავე ადგილას დილით სინათლე კედლებიდან რბილად აირეკლება. მთაწმინდის პანორამა შუადღეს ბრტყელია, ოქროს საათზე კი ქალაქი ფენებად იშლება.

ამიტომ მარშრუტს ჯერ დროზე ვაწყობთ და მერე რუკაზე. თქვენს თარიღზე ვთვლით, როდის ჩადის მზე, სად უნდა ვიყოთ იმ მომენტში, საიდან სად მოვასწრებთ - და მხოლოდ ამის მერე ვწერთ ლოკაციების თანმიმდევრობას. გეგმას ჯავშნის მერე გიგზავნით.

პრაქტიკულად ეს ასე გამოიყურება: ერთ სესიაზე ორ-სამ სრულიად განსხვავებულ ფონს იღებთ - ძველი ქალაქის ფაქტურას, ქალაქის ხედს სიმაღლიდან და ურბანულ, თანამედროვე კადრს - და მათ შორის მანქანით გადაადგილდებით, ფეხით ქუჩების ძებნის გარეშე.